Fornmannasögur Norðurlanda sextánda bindi. Skrifaðar eftir gömlum bókum anno MDCCCXCIII (1r)
„Sagan af Þorkeli Álfkelssyni aðalfara“
„1. kap. Á dögum Siners konungs hins gamla, var sá konungur á Hálogalandi er Goðlaugur hét …“
„… Vífill sækonungur var þeirra son, hans dóttir var Hildur, er átti Hring Haddingsson, þeirra son Hálfdán gamli er miklar ættir eru frá. Lýkur þar með sögunni.“
„Sagan Arnljóti Upplendingakappa“
„1. kap. Á þeim tíma er Ólafur konungur Haraldsson stýrði Noregi, er margir hafa kallað Ólaf digra, voru margir fylkiskonungar víðs vegar um landið …“
„… Hákon var líkastur föður sínum allra sinna bræðra, ekki er getið afspringis hans, né neinna þeirra bræðra hvað verið hafi. Og með þessu lýkur sögu Arnljóts jarls Upplendingakappa.“
„Sagan af Mírmann riddara“
„1. kap. Á ofanverðum dögum Clemens papa, er Rómabiskup var þá Neró konungur réð …“
„… sakir hennar kvendyggðar, er hún öðlast hafði ásamt fríðleika, list og kurteisi yfir allar þær konur og meyjar er fæðst hafa um hennar daga. Höfum vér eigi heyrt þessa frásögu lengri og lúkum vér hér sögunni af Mírmann jarli og Cecilíu drottningu.“
„Sagan af Haka og Hagbarði“
„1. kap. Svo er ritað í fornum fræðibókum og hetjukviðum fornskáldanna að á þeirra tímum hafi á Norðurlöndum verið margir fylkiskonungar er höfðu eigi utan smáfylki til forráða …“
„… En Eylaugur sigldi til Hálogalands, og sest þar að föðurleyfð sinni, og þótti meiri maður er hann hefndi föður síns. Og við þetta lýkur sögunni.“
„Sagan af Gríshildi drottningu hinni þolinmóðu“
„1. kap. Svo byrjar þessa sögu að konungur sá réði fyrir Frakklandi er Valentínus er nefndur …“
„… Gríshildur drottning var hjá syni sínum í miklu yfirlæti og andaðist löngu síðar í hárri elli, þótti hún verið hafa ein hin mesta drottning á Frakklandi fyrir allra hluta sakir. Og lýkur við þetta sögu þessari.“
„Sagan af Gesti og Gnatus“
„1. kap. Í byggð einni eður fylki á Vallandi fyrir sunnan Langbarðaland bjó bóndi einn velmetinn og vinsæll …“
„… og þótti þessi kynkvísl göfgust á Vallandi lengi síðan. Lýkur þar með sögunni af þeim fóstrum Gesti og Gnatusi.“
„Sagan af Filipusi fagra“
„1. kap. Eftir þann tíma er Grikkir misstu frelsi sitt og forna frægð er þeir báru yfir allar þjóðir heimsins á fornöldinni …“
„… góðar voru samfarir þeirra Lilju drottningar meðan þau lifðu saman, en hún varð eigi gömul, og lýkur við þetta sögunni af Filipusi fagra.“
Blaðsíðumerking með hendi skrifara: 5-800 (3r-400v).
Blaðmerkt fyrir myndatöku.
Innbundið.
Magnús Jónsson í Tjaldanesi, seldi, 1909.
Skráning Páls Eggerts Ólasonar á handritinu er aðgengileg í ritinu Skrá um handritasöfn Landsbókasafnsins , 1. bindi, bls. 536-538 .
Halldóra Kristinsdóttir frumskráði 4. apríl 2017.