„Það gjörum vér Egill Jónsson, Þormóður Arason, Arngrímur Jónsson, Einar Sigurðsson, Erlendur Jónsson, Þórarinn Gíslason, Ólafur Oddsson …“
Íslenzkt fornbréfasafn XIII. nr. 146, bls. 191–192. Kaupmannahöfn 1933–1939.
Sætt séra Jóns Matthíassonar, séra Snjólfs Jónssonar og Árna Gíslasonar um ágreining af kaupi Núps fremra. Dags. 30. apríl 1557. Á bakhlið (1v) er ritað: Sáttargjörðarbréf síra Jóns Matteassonar og síra Snjólfs Jónssonar. Eftirrit er í AM Apogr. Dipl. Isl. 1017.
Óþekktur skrifari, léttiskrift.
Umbúðir og askja frá 1997 eða fyrr.
Þrjú innsigli eru fyrir bréfinu (Einars Sigurðssonar, Páls Grímssonar og hugsanlega Jóns Matthíassonar) en þau hafa upphaflega verið tíu. Allir innsiglisþvengir eru varðveittir.
Gert var við bréfið og búið um það í nýjum umbúðum af forvörðum á viðgerðarstofu Det Arnamagnæanske Institut í Kaupmannahöfn árið 1997 eða fyrr.
Eldri umbúðir, einföld mappa úr brúnum pappír, liggur með í öskjunni.