„Hér byrjar eina fræðibók er vér köllum Eddu.“
„Endir Eddu og Skáldu.“
Skrifaraklausan er neðst á blaði 77v.
„Almáttugur Guð skapaði himin og jörð …“
„… en ráku í burtu Elimer.“
Ekki eru sérstakar fyrirsagnir fyrir Prologus og Gylfaginningu.
„Hér eftir koma Skáldskaparkenningar og rök til þeirra út af Eddu og eftirkomandi frásögnum. Og kallast þessi síðari partur skálda“
„Nú skal láta heyra dæmi hvernig …“
„… leiftur hrjóður viðbláinn.“
Síðari tíma blaðmerking 1-96.
Tólf kver.
Texti hefur lítillega skerst við kjöl á blaði 1 vegna slits.
Óþekktur skrifari, kansellíbrotaskrift.
Band frá janúar 1977 (158 mm x 124 mm x 24 mm). Pappaspjöld klædd fínofnum líndúk. Grófari dúkur á kili og hornum. Saumað á móttök.Saurblöð tilheyra bandi.
Þrír seðlar fremst með hendi Árna Magnússonar. Fremsti og aftasti seðillinn eru tvinn en annar seðillinn er límdur á milli þeirra.
Handritið var skrifað á Íslandi. Það er tímasett til 17. aldar í Katalog II , bls. 422.
Árni Magnússon segir handritið skrifað eftir eintaki með hendi Jóns Ólafssonar á Rauðasandi, sem var skrifað eftir tveimur mismunandi handritum (sjá seðla).
Árni Magnússon fékk handritið frá Torfa Jónssyni í Gaulverjabæ 1704 (sjá seðil).
Stofnun Árna Magnússonar á Íslandi tók við handritinu 26. október 1977.
Viðgert og bundið af Birgitte Dall í janúar 1977. Eldra band fylgir (en yngra en það sem nefnt er í skrá Kålunds).