Skráningarfærsla handrits

Fastur seðill (151 mm x 100 mm) með hendi Árna Magnússonar: „Sagan af Hjálmþér og Ölvi. Þessi saga byrjar á rímum af ágætum konungi er Ingi hét. Hann var ágætur maður, að öllum íþróttum meiri og mektugri. Næmur og vitrari, stærri og sterkari en hvör annar maður í veröldinni honum samtíða. Hann lá í hernaði hinn fyrra hlut æfi sinnar og vann undir sig mörg konungsríki og voru honum sáttgildir[?]. Hann átti að ráða fyrir mannheimum, hvört eð var öllum löndum meira og gagnauðugra. Konungur átti ágæta drottningu er Marsibil hét. Hún var dóttir Margatus konungs af Syrie, hún var prýdd öllum kvenlegum listum. Þeim varð sonar auðið er Hjálmþér hét. Hann var vænn, stór og sterkur og fimur við allar íþróttir og manna færastur þegar á unga aldri. Konungur lét kenna honum allar listir þær sem engum mönnum var títt að læra. Einn jarl var í ríki Inga konungs er Herrauður hét. Hann kunni allar listir.“