Útskýringar á torráðnum orðum og textaskýringar fylgja flestum köflum, að miklu leyti teknar úr Fornyrðum lögbókar eftir Björn Jónsson á Skarðsá. Vísað er í Gráfugl eða Grágás, Gulaþingsbók, Björgvinarlög og ýmsar sögur. Greint frá brotum úr réttarbótum, alþingisdómum o.fl. Í bálknum Mannhelgi, köflum 18-20, eru viðbætur um réttlæti dóma og langt innskot á eftir kafla 23. Í Landabrigðabálki eru kaflar 8 (um forkaupsrétt ættingja) og 14 (formúlur um kaup og sölu) viðbætur. Kafli 25 í Kaupabálki er aukinn. Kaflar 22-23 (að leggja af eiða) í Þjófabálki eru innskot. Á eftir lögbókinni er efnisyfirlit, bæn og að lokum nokkrir stefnuformálar.
Bl. 265v upprunalega autt.
Blaðmerking 1-265, bl. 54bis.
Ein hönd.
Fastur seðill (145 mm x 86 mm) með hendi Árna Magnússonar: „Jónsbók interpolata fengin af Torfa í Flatey. Er certo certius með hendi Gísla í Melrakkadal.“
Með hendi Gísla Jónssonar bónda í Melrakkadal (sjá seðil) og tímasett til 17. aldar í Katalog II , bls. 356, en Gísli lést árið 1670.
Árni Magnússon fékk hjá Torfa Jónssyni sýslumanni í Flatey (sjá seðil).
Stofnun Árna Magnússonar á Íslandi tók við handritinu 4. apríl 1975.
Tekið eftir Katalog II , bls. 356 (nr. 2245). Kålund gekk frá handritinu til skráningar 18. október 1889. ÞS skráði 10. janúar 2002.