Skráningarfærsla handrits

AM 427 a 4to

Annáll frá 70-1430 ; Ísland, 1690-1710

Tungumál textans
íslenska

Innihald

(1r-205v)
Annáll frá 70-1430
Athugasemd

Samsteypa af Lögmannsannál og Skálholtsannál hinum nýja.

Efnisorð

Lýsing á handriti

Blaðefni
Pappír
Blaðfjöldi
205 blöð ().
Umbrot

  • Aðeins skrifað á vinstri síðu hverrar opnu.
  • Ártöl tilfærð á spássíum.

Skrifarar og skrift

Ein hönd.

Band

Band frá því í júlí 1976.  

Fylgigögn

  • Tvinn með tveimur annálsgreinum um árin 1365 og 1366 merkt IV-V (afrit af AM 420 c 4to).
  • Fimm seðlar með hendi Árna Magnússonar.
    • Seðill 1 (A) (163 mm x 101 mm): Um síra Einar Hafliðason auctore horum annalium vide efr. additamenta mag. codice G ad anno 1319, 1307, 1315, 1317, 1324, 1326, 1332, 1334, 1340, 1344, 1345, 1346, 1348, 1361, 1370, 1375, 1393 andaðist síra Einar Hafliðason 89 ára gamall. Non consistit. 1393 - 1307 = 86. 1393 - 49 = 1344. recte. Fékk hann Breiðabólsstað.
    • Seðill 2 (B) (89 mm x 90 mm): Síra Einar Hafliðason dó 1393. Mun hann svo vera author þessara annála framan til.
    • Seðill 3 (C) (158 mm x 98 mm): Biskupar plenis liter 1347. Í annál Einars Hafliðasonar.
    • Seðill 4 (I, fyrra blað tvinns (verso-síða er auð)) (192 mm x 152 mm): Þetta annála volumen er uppskrifað úr tveimur exemplaribus membraneis, eins hljóðandi, því eina gömlu, því öðru nýrra. Það gamla exemplarið hér af hefur magister Brynjólfur í sinni Collectione Annalium (með hendi síra Jóns í Villingaholti) kallað Lögmannsannál. Það yngra exemplarið hefur hann (í sömu Collectione) kallað: Skálholtsannál hinn nýja. Þetta síðasta exemplar hefi ég fyrrum kallað Annales Scalholtenses. Þá ég eigi vissi, að þar hefði fleiri annálar til forna legið.
    • Seðill 5 (II-III, aftara blað tvinns og fyrri blað næsta tvinns, sem er annars autt) (192 mm x 152 mm): Af Annalium Compilatione harmonica, sem síra Jón í Villingaholti hefur gjört að forlagi magisters Brynjólfs, er auðséð að Lögmannsannáll, er síra Jón svo kallar (in membrana in folio), hefur þá eins mutilus verið framan til, sem nú er hann. Hann hefur og eigi náð lengra þá, en nú nær hann. Ad calcem anni 1392. Hefur síra Jón, í þessari Harmonia Annalium annoterað. Hér endar Lógmannsannáll. Um blaðið, sem nú vantar í þennan annál, og hefur innihaldið annos 460−656 og alla annos þar á milli, er eigi svo víst, hvert það úr annálum burtu verið hafi, þá síra Jón þessi blöð brúkað hefur, eða og það hafi þá blöðunum fylgt. Næst er ég annars að trúa, að það muni þá burtu verið hafa. Og það er víst, að ekkert finnst í Compilatione síra Jóns á þessum árum, sem úr þessum Lögmannsannál kunni tekið vera. Eftir annum 1072 hefur síra Jón annoterað í þessari sinni compilatione harmonica: Hér er stór skalli í þessum (Lögmanns)annál. En þetta er eigi svo. Hér vantar ekkert og ætla ég óefað sé, að síra Jón, í flýti sínum, hafi litið skakkt til, og tekið feil í blöðunum, og séð að í annálinn vantaði jafnvel þótt það eigi væri svo í þessum stað, heldur miklu fyrr í annálnum. Held ég svo nærri óefanlegt, að blaðið hafi þá í annálinn vantað.

Uppruni og ferill

Uppruni

Skrifað af Árna Magnússyni og tímasett til um 1700 í Katalog I , bls. 630.

Aðföng

Stofnun Árna Magnússonar á Íslandi tók við handritinu 8. júlí 1977.

Aðrar upplýsingar

Skráningarferill

Tekið eftir Katalog I , bls. 630 (nr. 1194). Kålund gekk frá handritinu til skráningar í nóvember 1886. GI skráði 13. ágúst 2001.

Viðgerðarsaga

Viðgert og bundið af Birgitte Dall í júlí 1976. Eldra band fylgdi með í öskju.

Myndir af handritinu

  • Svart-hvítar ljósmyndir á Det Arnamagnæanske Institut í Kaupmannahöfn.
  • Filma keypt af Arne Mann Nielsen 7. júlí 1972, askja 86a.

Notaskrá

Titill: Katalog over Den Arnamagnæanske Håndskriftsamling
Ritstjóri / Útgefandi: Kålund, Kristian
Lýsigögn
×

Lýsigögn