Skráningarfærsla handrits

PDF
PDF

Lbs 453 fol.

Ættartölubækur Ólafs Snóksdalíns, 3. bindi ; Ísland, 1834-1837

Tungumál textans
íslenska

Innihald

Ættartölubækur Ólafs Snóksdalíns, 3. bindi
Athugasemd

Eiginhandarrit.

Á innfestum eyðublöðum og um handritið sjálft eru íaukar með hendi Boga Benediktssonar á Staðarfelli nokkurir, en mest með hendi Jóns dómsstjóra Péturssonar og dr. Hannesar Þorsteinssonar, en talsvert einnig með hendi Jósafats Jónassonar (Steins Dofra), Jóhanns ættfræðings Kristjánssonar og jafnvel fleiri.

Framan við hvert bindi er titilblað og efnisinntak með hendi Páls Pálssonar stúdents.

Aftan við 3. bindi er: 1) Skrá um júbílkennara í Hólabiskupsdæmi. 2) Hirðstjórar. 3) Prestatal í Hólabiskupsdæmi, stutt við skrá Hallgríms Jónssonar djákna. 4) Prófastaröð í Hólabiskupsdæmi frá siðskiptum. 5) Skrá prestakalla í Hólabiskupsdæmi með tekjum þeirra. 6) Biskupar um land allt. 7) Lögmannatal á Íslandi. Og allt er þetta með hendi Ólafs Snóksdalíns sjálfs.

Aftast er með hendi Jóns Péturssonar: 1) Uppskrift ættartalna í Dals- og Hólssóknum undir Eyjafjöllum (eftir síra Jón Jónsson i Holti, gerðra 1808). 2) Ætt Jóhannesar Zoëga. 3) Framan við er skotið inn bréfi frá Indriða Þorkelssyni að Fjalli 1929, með ættarathugunum. Ættartölur úr Mývatnssveit og Ljósavatnshreppi (eftir Ásmund Gíslason að Þverá). 4) Ættir undir Eyjafjöllum. 5) Uppskrift dr. H. Þ. á Stóruvallaætt í Bárðadal (eftir Kristján verslunarmann Jónasarson) og brot úr ættum nokkurra Mývetninga eftir Jóhann Kristjánsson.

Efnisorð

Lýsing á handriti

Blaðefni
Pappír.
Blaðfjöldi
332 blöð (327 mm x 216 mm)
Umbrot

Band

Óinnbundið.

Uppruni og ferill

Uppruni

Ísland, um 1834-1837.

Ferill

Handritið er að erfðum komið frá Boga Benediktssyni að Staðarfelli.

Aðföng
Lbs 451-477 fol. voru dánargjöf dr. Hannesar Þorsteinssonar til Háskóla Íslands, keypt þaðan af Alþingi til Landsbókasafns og afhent haustið 1938.

Aðrar upplýsingar

Skráningarferill

Skráning Páls Eggerts Ólasonar á handritinu er aðgengileg í ritinu Skrá um handritasöfn Landsbókasafnsins , 1. aukabindi, bls. 2.

Sigríður H. Jörundsdóttir bætti við skráningu 2. ágúst 2016 ; Halldóra Kristinsdóttir frumskráði 29. júní 2015.

Viðgerðarsaga
Viðgert 1985-1986 af Kristjönu Kristjánsdóttur.

Notaskrá

Titill: Skrá um handritasöfn Landsbókasafnsins
Ritstjóri / Útgefandi: Páll Eggert Ólason
Umfang: I-III
Lýsigögn
×

Lýsigögn