Skráningarfærsla handrits

SÁM 116f

Dagbókarfærslur og fleira ; Ísland, 1912-1918

Titilsíða

Heimilið að Suður-Hvammi - Dagbók; haldin af Gústav A. Sveinssyni. SÓ. Hvammi 1912.

Innihald

1 (1r-52v)
Dagbókarfærslur og fleira
Titill í handriti

Dagbók 1912-1918; heimilið í Suður-Hvammi

Athugasemd

Í bókinni eru listar yfir heimilismenn á hverju ári, dagbókarskrif þar sem m.a. er fjallað í mjög stuttu máli um veðurfar og þær athafnir manna er frásagnarverðar þóttu þann daginn. Í bókinni eru einnig skýrslur í tengslum við búskapinn. Eftirfarandi er upplistun á helstu efnisþáttum hvers árs fyrir sig (sjá efnisþætti 1.1-1.11) .

Á blöðum 1r og 2r sem eru laus fremst í handriti (blöð 1v-2v eru auð) er gerð grein fyrir tíund áranna 1909 og 1911.

Víða eru laus blöð inn á milli blaða bókarinnar. Þau voru blaðsett af skrásetjara sem hluti af textablokkinni á þeim stað sem þau lágu þar sem oft má sjá efnislegt samhengi í staðsetningu þeirra (þó ekki alltaf).

Titilsíðan hér fyrir ofan er blað 3r; blað 3v er autt.

1.1 (4r-17r)
Árið 1912
Titill í handriti

Árið 1912

Athugasemd

Þar koma fram upplýsingar um …

  • 1) heimilsmenn í Suður-Hvammi,
  • 2) skammstafanir þeirra nafna sem fram koma í texta,
  • 3) dagbókarskrif (jan.-okt.); stuttar greinargerðir ca 1-4 línur um athafnir og veður,
  • 4) og skýrslur um …
    • a) hirðingu heys,
    • b) magn rjóma sem sendur var frá Syðri-Hvammi í rjómabúið,
    • c) magn smjörs sem sent var frá Syðri-Hvammi í rjómabúið,
    • d) skepnueign í árslok.

1.2 (17v-30v)
Árið 1913
Titill í handriti

Árið 1913

Athugasemd

Þar koma fram upplýsingar um …

  • 1) heimilismenn í Suður-Hvammi,
  • 2) skammstafanir þeirra nafna sem fram koma í texta,
  • 3) dagbókarskrif (mars-sept.); stuttar greinargerðir ca 1-4 línur um athafnir og veður,
  • 4) og skýrslur um …
    • a) hirðingu heys,
    • b) sölu á kindum til Magnúsar Einarssonar 16. september 1913
    • c) magn rjóma sem sendur var frá Syðri-Hvammi í rjómabúið,
    • d) sölu á kindum 1913,
    • e) kindur skornar heima.

1.3 (31r-48r)
Árið 1914
Titill í handriti

Árið 1914

Athugasemd

Þar koma fram upplýsingar um …

  • 1) heimilismenn í Suður-Hvammi,
  • 2) skammstafanir þeirra nafna sem fram koma í texta,
  • 3) dagbókarskrif (Veturinn 1913-14, maí-des); stuttar greinargerðir ca 1-4 línur um athafnir og veður,
  • 4) og skýrslur um …
    • a) hirðingu heys,
    • b) kartöfluuppskeruna.

Blöð 48v-49v eru auð.

1.4 (50r-55v)
Árið 1915
Titill í handriti

Árið 1915

Athugasemd

Þar koma fram upplýsingar um …

  • 1) heimilismenn í Suður-Hvammi,
  • 2) dagbókarskrif (jan., mars, júlí-sept.); stuttar greinargerðir ca 1-4 línur um athafnir og veður,
  • 3) og skýrslur um …
    • a) hirðingu heys.

Blöð 49v og 56r-v eru auð.

1.5 (57r-68v)
Árið 1916
Titill í handriti

Árið 1916

Athugasemd

Þar koma fram upplýsingar um …

  • 1) heimilismenn í Suður-Hvammi,
  • 2) dagbókarskrif (Veturinn 1915-16; ágúst-sept.); stuttar greinargerðir ca 1-4 línur um athafnir og veður,
  • 3) og skýrslur um …
    • a) hirðingu heys,
    • b) (á lausum blöðum 65r-68r er skýrsla og minnisblöð yfir fitu í rjóma (einungis er skrifað á rekto-hliðar blaðanna).

Á blöðum 62r-63v eru minnispunktar og fleira er varðar hirðingu heys o.fl. Blöðin eru laus í handriti.

1.5.1 (65v)
Kötluhlaupið 1918
Titill í handriti

Kötluhlaupið 1918

Upphaf

Árið 1918 hinn 12. október klukkan 1…

Athugasemd

Upphaf frásagnar af Kötluhlaupinu; skrifari endar í miðju kafi.

1.6 (69r-73v)
Árið 1917
Titill í handriti

Árið 1917

Athugasemd

Þar koma fram upplýsingar um …

  • 1) heimilismenn í Suður-Hvammi,
  • 2) dagbókarskrif (Veturinn); stiklað á stóru um veður og athafnir; 7. október er eina dagbókarfærslan en þar segir: kýr varð að taka á gjöf þá þegar vegna þess að kominn var gaddur (sbr. 69v),
  • 3) og skýrslur um …
    • a) hirðingu heys,
    • b) kartöfluuppskeru.

Blöð 72 og 73 eru laus innan í bókinni og eru skýrslur eða minnisblöð er varða hirðingu heys.

1.7 (74r-75r)
Árið 1918
Titill í handriti

E.Ó.S. Árið 1918

Athugasemd

Þar koma fram upplýsingar um …

  • 1) heimilismenn í Suður-Hvammi; einungis fyrirsögn - vantar upplistun nafna,
  • 2) og skýrslur um …
    • a) skepnuhald,
    • b) veður.

Blöð 75v-99v eru auð.

1.8 (100r-104r)
Kartöfluræktun og arfaeyðing
Titill í handriti

Garðyrkjufélag Seiluhrepps

Upphaf

Þess hefur verið minnst í Ársritinu árin 1904 og 1905 …

Niðurlag

… útbreiðum vér þessi eða önnur þeim lík jafnhliða nýrækt vorri. 10. nóvember 1909. Jakob H. Líndal.

Athugasemd

Blað 104r er autt að mestu; blöð 104v-105v eru auð.

Efnisorð
1.9 (106r-v)
Póstkort
Athugasemd

Póstkortið er til Sveins Ólafssonar og húsfrúr, Hvammi í Mýrdal. Það er laust meðal blaða aftast í handriti og er dagsett 4. júní 1919 og undir dagsetningunni stendur Bergen en myndin framan á kortinu er frá Bergen; póststimpillinn er aftur á móti Reykjavík 13.VII.17-8(?) og frímerkið er merkt Ísland, Frímerki, 5 aura. Undirskriftin er ykkar einlægur Ólafur Hva[....]

1.10 (107r-129v)
Ýmislegt
Athugasemd

Blöðin eru laus aftast í handritinu og eru flest reikningar frá Sláturfélagi Suðurlands. Meðal þeirra eru líka minnismiðar og rissblöð m.m.

Efnisorð
1.11 (130r-140v)
Skömmtunarseðlar - Verslun Bjarna Kjartanssonar - Vík -
Athugasemd

Skömmtunarseðlar í bláu umslagi fyrir september-desember 1918 yfir sykur og kornvörur. Umslagið er laust aftast í bókinni.

Efnisorð

Lýsing á handriti

Blaðefni
Pappír.
Blaðfjöldi
i + 88 blöð (242 mm x 147 mm) + 52 laus blöð (blöð og miðar af ýmsum stærðum og gerðum).
Tölusetning blaða
Blöð voru tölusett með blýanti af skrásetjara (6. janúar 2011): 1-140.
Kveraskipan

Sex kver. Fremst, inn á milli blaða og aftast í handritinu eru laus blöð (mism. að stærð og gerð); þeirra er getið í eftirfarandi kveraupplistun:

  • Kver I: blöð 3-18, 8 tvinn + 2 laus blöð.
  • Kver II: blöð 19-35, 8 tvinn + 1 laust blað.
  • Kver III: blöð 36-55, 8 tvinn + 4 laus blöð.
  • Kver IV: blöð 56-77, 6 tvinn+ 10 laus blöð.
  • Kver V: blöð 78-93, 8 tvinn.
  • Kver VI: blöð 94-105, 6 tvinn + 35 laus blöð.

Umbrot

  • Eindálka.
  • Leturflötur er ca 210 mm x 160-170 mm.
  • Línufjöldi er 27 (áprentaðar línur).

Ástand

  • Laus blöð og efnistengd minnisblöð m.m. fyrir framan, aftan og inn á milli blaða í efnisblokkinni.

Skrifarar og skrift

Fram kemur að bókin sé Haldin af Gústav A. Sveinssyni, sbr. blað 3r (titilsíðu) og bókina hefur hann hugsanlega haldið fyrir föður sinn þar sem neðst á titilsíðunni stendur: Hvammi, Sveinn Ólafsson, 1912. Rithönd Gústavs Adolfs vekur athygli þar sem hann er aðeins fjórtán ára við upphaf bókarskrifanna, þ.e.1912.

Sveinn hefur skrifað bókina að mestu en Einar Ólafur Sveinsson hefur að öllum líkindum skrifað blöð 70r-71v og 74r-75r en skammstöfunin EÓS kemur fyrir á nokkrum stöðum (sjá blöð 74r-v).

Skreytingar

Bókahnútur eða ígildi bókahnúts er víða við efnisskil í texta sbr. t.d. á blöðum 33v, 36v og 37v.

Band

Stílabók (250 mm x 198 mm x 20 mm). Pappaspjöld klædd svörtum leðurlíkispappír; fínofinn líndúkur á hornum og kili.

Framan á bókarkápu er límmiði (skakkt á límdur); á hann er skrifað DAGBÓK heimilisins í Suður-Hvammi, frá árinu 1912 til 19.

Handritið liggur í öskju með SÁM 116a-e.

Uppruni og ferill

Uppruni
Handritið var skrifað á Íslandi, 1912-1918 ef mið er tekið af þeim upplýsingum sem fram koma á blöðum 3r og 74r-v. Ártalið 1909 kemur einnig fyrir á blöðum 1-2 og víðar.

Eins og fram kemur í umfjölluninni um skrifarann og af því sem af dagbókarfærslunum má ráð hefur handritið sennilega verið skrifað á heimilinu í Suður-Hvammi.

Aðföng

SÁM 116a-f eru komin á Stofnun Árna Magnússonar úr búi Einars Ólafs Sveinssonar.

Aðrar upplýsingar

Skráningarferill
VH skráði handritið 7. og 10. janúar 2011.
Lýsigögn
×

Lýsigögn