Manuscript Detail
SÁM 116f
There are currently no images available for this manuscript.
Dagbókarfærslur og fleira; Iceland, 1909-1918
Heimilið að Suður-Hvammi - Dagbók; haldin af Gústav A. Sveinssyni. SÓ. Hvammi 1912.
Contents
Dagbókarfærslur og fleira
“Dagbók 1912-1918; heimilið í Suður-Hvammi”
Í bókinni eru listar yfir heimilismenn á hverju ári, dagbókarskrif þar sem m.a. er fjallað í mjög stuttu máli um veðurfar og þær athafnir manna er frásagnarverðar þóttu þann daginn. Í bókinni eru einnig skýrslur í tengslum við búskapinn. Eftirfarandi er upplistun á helstu efnisþáttum hvers árs fyrir sig (sjá efnisþætti 1.1-1.11) .
Á blöðum 1r og 2r sem eru laus fremst í handriti (blöð 1v-2v eru auð) er gerð grein fyrir “tíund” áranna 1909 og 1911.
Víða eru laus blöð inn á milli blaða bókarinnar. Þau voru blaðsett af skrásetjara sem hluti af textablokkinni á þeim stað sem þau lágu þar sem oft má sjá efnislegt samhengi í staðsetningu þeirra (þó ekki alltaf).
Titilsíðan hér fyrir ofan er blað 3r; blað 3v er autt.
Árið 1912
“Árið 1912”
- 1) heimilsmenn í Suður-Hvammi,
- 2) skammstafanir þeirra nafna sem fram koma í texta,
- 3) dagbókarskrif (jan.-okt.); stuttar greinargerðir ca 1-4 línur um athafnir og veður,
- 4) og skýrslur um …
- a) hirðingu heys,
- b) magn rjóma sem sendur var frá Syðri-Hvammi í rjómabúið,
- c) magn smjörs sem sent var frá Syðri-Hvammi í rjómabúið,
- d) skepnueign í árslok.
Árið 1913
“Árið 1913”
- 1) heimilismenn í Suður-Hvammi,
- 2) skammstafanir þeirra nafna sem fram koma í texta,
- 3) dagbókarskrif (mars-sept.); stuttar greinargerðir ca 1-4 línur um athafnir og veður,
- 4) og skýrslur um …
- a) hirðingu heys,
- b) sölu á kindum til Magnúsar Einarssonar 16.9. 1913,
- c) magn rjóma sem sendur var frá Syðri-Hvammi í rjómabúið,
- d) sölu á kindum 1913,
- e) kindur skornar heima.
Árið 1914
“Árið 1914”
- 1) heimilismenn í Suður-Hvammi,
- 2) skammstafanir þeirra nafna sem fram koma í texta,
- 3) dagbókarskrif (“Veturinn 1913-14”, maí-des); stuttar greinargerðir ca 1-4 línur um athafnir og veður,
- 4) og skýrslur um …
- a) hirðingu heys,
- b) kartöfluuppskeruna.
Blöð 48v-49v eru auð.
Árið 1915
“Árið 1915”
- 1) heimilismenn í Suður-Hvammi,
- 2) dagbókarskrif (jan., mars, júlí-sept.); stuttar greinargerðir ca 1-4 línur um athafnir og veður,
- 3) og skýrslur um …
- a) hirðingu heys.
Blöð 49v og 56r-v eru auð.
Árið 1916
“Árið 1916”
- 1) heimilismenn í Suður-Hvammi,
- 2) dagbókarskrif (“Veturinn 1915-16”; ágúst-sept.); stuttar greinargerðir ca 1-4 línur um athafnir og veður,
- 3) og skýrslur um …
- a) hirðingu heys,
- b) (á lausum blöðum 65r-68r er skýrsla og minnisblöð yfir fitu í rjóma (einungis er skrifað á rekto-hliðar blaðanna).
Kötluhlaupið 1918
“Kötluhlaupið 1918”
“Árið 1918 hinn 12. október klukkan 1… ”
Upphaf frásagnar af Kötluhlaupinu; skrifari endar í miðju kafi.
Árið 1917
“Árið 1917”
- 1) heimilismenn í Suður-Hvammi,
- 2) dagbókarskrif (“Veturinn”); stiklað á stóru um veður og athafnir; 7. október er eina dagbókarfærslan en þar segir: “kýr varð að taka á gjöf þá þegar” vegna þess að kominn var gaddur (sbr. 69v),
- 3) og skýrslur um …
- a) hirðingu heys,
- b) kartöfluuppskeru.
Blöð 72 og 73 eru laus innan í bókinni og eru skýrslur eða minnisblöð er varða hirðingu heys.
Árið 1918
“E.Ó.S. Árið 1918”
- 1) heimilismenn í Suður-Hvammi; einungis fyrirsögn - vantar upplistun nafna,
- 2) og skýrslur um …
- a) skepnuhald,
- b) veður.
Blöð 75v-99v eru auð.
Kartöfluræktun og arfaeyðing
“Garðyrkjufélag Seiluhrepps”
“Þess hefur verið minnst í Ársritinu árin 1904 og 1905 …”
“… útbreiðum vér þessi eða önnur þeim lík jafnhliða nýrækt vorri. 10.11. 1909. Jakob H. Líndal.”
Blað 104r er autt að mestu; blöð 104v-105v eru auð.
Póstkort
Póstkortið er til Sveins Ólafssonar og húsfrúr, Hvammi í Mýrdal. Það er laust meðal blaða aftast í handriti og er dagsett 4. júní 1919 og undir dagsetningunni stendur Bergen en myndin framan á kortinu er frá Bergen; póststimpillinn er aftur á móti “Reykjavík 13.VII.17-8”(?) og frímerkið er merkt “Ísland, Frímerki, 5 aura”. Undirskriftin er “ykkar einlægur Ólafur Hva[....]”
Ýmislegt
Blöðin eru laus aftast í handritinu og eru flest reikningar frá “Sláturfélagi Suðurlands”. Meðal þeirra eru líka minnismiðar og rissblöð m.m.
Skömmtunarseðlar - Verslun Bjarna Kjartanssonar - Vík -
Skömmtunarseðlar í bláu umslagi fyrir september-desember 1918 yfir sykur og kornvörur. Umslagið er laust aftast í bókinni.
Physical Description
Sex kver. Fremst, inn á milli blaða og aftast í handritinu eru laus blöð (mism. að stærð og gerð); þeirra er getið í eftirfarandi kveraupplistun:
- Kver I: blöð 3-18, 8 tvinn + 2 laus blöð.
- Kver II: blöð 19-35, 8 tvinn + 1 laust blað.
- Kver III: blöð 36-55, 8 tvinn + 4 laus blöð.
- Kver IV: blöð 56-77, 6 tvinn+ 10 laus blöð.
- Kver V: blöð 78-93, 8 tvinn.
- Kver VI: blöð 94-105, 6 tvinn + 35 laus blöð.
- Laus blöð og efnistengd minnisblöð m.m. fyrir framan, aftan og inn á milli blaða í efnisblokkinni.
- Eindálka.
- Leturflötur er ca 210 mm x 160-170 mm.
- Línufjöldi er 27 (áprentaðar línur).
Fram kemur að bókin sé “Haldin af Gústav A. Sveinssyni”, sbr. blað 3r (titilsíðu) og bókina hefur hann hugsanlega haldið fyrir föður sinn þar sem neðst á titilsíðunni stendur: “SÓ” “Hvammi, Sveinn Ólafsson, 1912. ” Rithönd Gústavs Adolfs vekur athygli þar sem hann er aðeins fjórtán ára við upphaf bókarskrifanna, þ.e.1912. Sveinn hefur skrifað bókina að mestu en Einar Ólafur Sveinsson hefur að öllum líkindum skrifað blöð 70r-71v og 74r-75r en skammstöfunin EÓS kemur fyrir á nokkrum stöðum (sjá blöð 74r-v).
Bókahnútur eða ígildi bókahnúts er víða við efnisskil í texta sbr. t.d. á blöðum 33v, 36v og 37v.
Stílabók (250 mm x 198 mm x 20 mm). Pappaspjöld klædd svörtum leðurlíkispappír; fínofinn líndúkur á hornum og kili.
Framan á bókarkápu er límmiði (skakkt á límdur); á hann er skrifað “DAGBÓK heimilisins í Suður-Hvammi, frá árinu 1912 til 19”.
Handritið liggur í öskju með SÁM 116a-e.
History
Eins og fram kemur í umfjölluninni um skrifarann og af því sem af dagbókarfærslunum má ráð hefur handritið sennilega verið skrifað á heimilinu í Suður-Hvammi.
SÁM 116a-f eru komin á Stofnun Árna Magnússonar úr búi Einars Ólafs Sveinssonar.