Skráningarfærsla handrits

«»

SÁM 103

Rímur ; Ísland, 1867

Titilsíða

Rímur af Niukulási leikara, kveðnar af Skúla Bergþórssyni 1861.

Tungumál textans

íslenska

Innihald

(1r-62v)

Rímur af Niukulási leikara

Höfundur

Skúli Bergþórsson

Titill í handriti

„Fyrsta ríma“

Upphaf

„Heyrið menn og heyrið fljóð …“

Niðurlag

„… verið þolinmóðar.“

Skrifaraklausa

„Skrifaðar árið 1867 af ÞJónassyni.“

Athugasemd

(Skrifaraklausan er á blaði 62v).

Átta rímur, ortar fyrir Friðrik Jónsson (sjá nánar Rímnatal 1966: 355-356).

Efnisorð

Rímur

Lýsing á handriti

Blaðefni

Pappír.

Blaðfjöldi

i + 62 blöð + i (168 mm x 108-110 mm).

Tölusetning blaða

Seinni tíma tölusetning blaða með blýanti: 1-62.

Kveraskipan

Átta kver.

Kver I: blöð 1-8, 4 tvinn.
Kver II: blöð 9-16, 4 tvinn.
Kver III: blöð 17-24, 4 tvinn.
Kver IV: blöð 25-32, 4 tvinn.
Kver V: blöð 33-40, 4 tvinn.
Kver VI: blöð 41-46, 3 tvinn.
Kver VII: blöð 47-54, 4 tvinn.
Kver VIII: blöð 55-62, 4 tvinn.

Umbrot

Eindálka.
Leturflötur er ca 135 mm x 70-80 mm.
Línufjöldi er ca 26-29.
Leturflötur er afmarkaður með blýanti (við efri og yfirleitt einnig við innri og ytri spássíur).

Ástand

Blöð eru blettótt og notkunarnúin.
Leður á hornum og kili er slitið og pappír á spjöldum snjáður.

Skrifarar og skrift

Með einni hendi. Skrifarinn Þ. Jónasson sbr. blað 62v er óþekktur; snarhönd.

Skreytingar

Fyrirsögn og fyrsta lína rímu er með stærra letri en annars er á textanum (sjá t.d. blöð 8v og 47r).

Spássíugreinar og aðrar viðbætur

Á fremra saurblaði stendur: Sveinson og Jónas Tómásson á þessa bók með réttu.
Á aftara saurblað verso eru nöfnin Jóhannes Magnússon og Sveinn Sveinsson skrifuð með blýanti.
Innan á aftara bókarspjald er ritað (einnig með blýanti): skrifað af Guðjóni Pálssyni.

Band

Band (171 mm x 116 mm x 23 mm): Bókarspjöld eru klædd rauðbrúnum pappír; leður er á kili og spjaldhornum (sjá: Ástand).

Handritið liggur í grárri pappaöskju með SÁM 98, 99, 100, 101, 102, 104, 105 og 106.

Fylgigögn

Afhendingarlisti Kvæðamannafélagsins Iðunnar, dagsettur 15. september 2008. Miði með númeri handrits á afhendingarlista er einnig meðfylgjandi.

Uppruni og ferill

Uppruni

Handritið var skrifað á Íslandi 1867.

Ferill

Það er gjöf frá Kvæðamannafélaginu Iðunni; tölusett sem nr. 219 á afhendingarlista (sjá: Fylgigögn). Það var í safni Halldórs Steinmanns Þorsteinssonar. Fyrir utan það sem hugsanlega má lesa úr nöfnum þeim sem fram koma á saurblöðum og aftari bókarkápu er lítið vitað um eignarhald og feril (sjá nánar: Spássíugreinar og aðrar viðbætur).

Aðföng

Stofnun Árna Magnússonar á Íslandi fékk handritið, ásamt fleiri handritum, afhent til varðveislu þann 15. september 2008. Formleg afhending handritanna fór fram ári síðar, 15. september 2009, þegar Kvæðamannafélagið Iðunn fagnaði 80 ára afmæli sínu.

Aðrar upplýsingar

Skráningarferill

VH skráði í september 2010.