„Sagan af Eiríki Loftssyni og Jóni Geirmundssyni skipasmið“
„Góðir lesarar! Þess læt ég aðeins í fám orðum getið, að saga þessi er fyrst rituð sem uppkast af skáldinu Níelsi sál. Jónssyni á hans síðustu árum, var hönum þá bæði farin að daprast sýn og stirðna hönd til að rita það sem alþjóðlegt skyldi vera; þess vegna bæði fyrir kynni sem hann hafði af mér og álit hans (sem rangt var) að ég væri fær um að rita bæði fegra mál og hreinna, enn sjálfur hann – þá bað hann mig að rita þessa sögu, hvörja hann tileinkar helst að munnlegri sögu Silunga Birni og síðan hafi borist millum elstu manna til sín á sömu leið. Er nú þessi saga hið fyrsta sem ég hefi reynt að rita og mitt fyrsta uppkast af henni, hefi ég fundið marga galla hennar síðan enn vegna ásóknar manna að fá hana lesna, hefi ég ekki komist til að rita hana að nýju, þess vegna þykir mér hún í alla staði óframbærileg fyrir þá hina upplýstari bæði til að lesa hana og einkum að prenta, og enda átti þetta handrit ekki til þess að verða fyrri enn ég hefði komist til að kasta því upp í annað sinn. Þeir sem þekkja ritshætti höfundarins geta ímyndað sér að ég hafi þurft talsvert að laga söguna og þeim sem hafa lesið báðar þykir hún talsvert frábrugðin að máli og heldur til bóta og nokkuð fullkomnari er vísur þær sem í henni eru setti ég rétt að gamni mínu. Meyjarlandi dag 5ta marz en 1860. S. Bergþórsson.Bl. 2r-2v.“
Skáldsaga eftir Níels skálda Jónsson, aukin og endurbætt af Skúla Bergþórssyni. Í formála sem Skúli Bergþórsson ritar gerir hann grein fyrir tilurð þessarar skáldsögu.
Pappír.
Innbundið.
Hulda Björk Þorkelsdóttir bókavörður bókasafns Reykjanesbæjar sendi 28. febrúar 2005 kassa með handritum úr safninu áður Bæjar- og Héraðsbókasafnið í Keflavík. Samskiptin voru að tilhlutan Þórunnar Sigurðardóttur en handritin áttu ekki lengur neitt hlutverk í safninu. Í handritin hefur verið stimplað Bæjar- og héraðsbókasafnið Keflavík auk aðfangaárs sem er 1990 jafnframt hefur verið er skrifað inn aðfanganúmer á titlsíðu. Handritin eru öll innbundin, kjalmerkt og á þau hefur verið settur strikamiði.
Nafn í handriti: Daði Davíðsson.
Sjá Lbs 5632-5635 4to og Lbs 4938-4949 8vo.
Sett á safnmark í ágúst 2015.
24. ágúst 2015 voru handritin sett til forvarðar til þess að fjarlægja kjalmiða og lím.