„Þetta eru kölluð landamerki, í milli Snartarstaða og Brekku …“
Landamerkjabréf þar sem mörkunum milli Snartarstaða og Brekku er lýst. Bréfið er dagsett 22. maí 1673. Utanáskrift á 1v: Landamerki millum Snartarstaða og Brekku send frá Presthólum af sr. Þorvaldi Jónssyni anno 1674.
„Elskulegi herra, mér gleymdist í bréfinu að minnast á það sem þér óskuðuð af mér í yðar bréfi sem er að describera yður Þistilsfjarðar og Langanesbænda jarðir …“
Lýsing á jörðum í Þistilfirði og á Langanesi og sagt frá eigendum þeirra. Skrifað af Þorvaldi Jónssyni 23. maí 1674.
Séra Þorvaldur Jónsson, fljótaskrift með léttiskriftareinkennum.
Umbúðir og askja frá 1997 eða fyrr.
Með fylgir samanbrotinn seðill (159 x 209 mm) sem sennilega hefur verið notaður sem umslag. Auk safnmarks og ártals er ritað framan á hann (1r) Um jarðir á Langanesi með hendi Árna Magnússonar. Á innanverðum seðlinum (1v-2r) eru leifar af textum sem að hluta til hafa verið skornir af, annars vegar nokkuð sem virðist vera utanáskrift til [Brynjólfs] Sveinssonar biskups og hins vegar texti þar sem stendur S Þorkell J … um aflausn … mt 9 feb 1661.
Bréfið var skrifað á Íslandi 1674.
Stofnun Árna Magnússonar á Íslandi tók við bréfinu 1997.
Gert var við bréfið og búið um það í nýjum umbúðum af forvörðum á viðgerðarstofu Det Arnamagnæanske Institut í Kaupmannahöfn árið 1997 eða fyrr.
Eldri umbúðir, einföld mappa úr brúnum pappír, liggur með í öskjunni.