„Öllum góðum mönnum þeim sem þetta bréf sjá eða heyra senda Ögmundur með guðs náð ábóti í Viðey, séra Einar Snorrason, officialis heilagrar Skálholtskirkju, Helgi Jónsson, Jón Héðinsson, Jón Þorsteinsson, Sæmundur Árnason, Teitur Þorsteinsson, Ásgrímur Þórðarson, Jón Jónsson, Þorlákur Landbjartsson, Steingrímur Guðmundsson og Stefán Þorgilsson klerkar…“
„… með vorum fyrr nefndum dómsmanna innsiglum fyrir þetta dómsbréf skrifað í Skálholti sama degi og ári sem fyrr segir.“
Íslenzkt fornbréfasafnVIII. nr. 438, bl. 572-575. Reykjavík 1906-1913
Tylftardómur klerka útnefndur af Stepháni biskupi í Skálholti, um kærur biskups til Björns Guðnasonar fyrir dómrof, misþyrming á Jörundi presti Steinmóðssyni og fleira; dæma þeir Björn óbótamann, fallinn í bann í sjálfu verkinu og fé hans öll föst og laus fallinn undir konung og biskup (DI VIII:572). Bréf sama efnis og AM Dipl. Isl. Fasc. XLII,24.
Óþekktur skrifari.
Á blaði 1r fyrir aftan lok bréfsins er viðbót, líklega með sömu hendi en dekkra bleki: „Biodum uær sira joni einars syni ad lesa þetta doms bref fyrir orme bonda jons syni suo hat og skilid ad hann megi uel heira ef hann uill. og seti sitt jnsigli ad secundam caudam ad hann hafi þetta uort bod fyllt og fai sidan sira helga jonssyni j hendur j stafholti et cetera“.
Á blaði 1v með annarri hendi en bréfið: „biarnar gudna sonar domur“.
Umbúðir frá 1996 eða fyrr.
Fjórir innsiglisþvengir hanga við bréfið en ekkert innsigli er varðveitt.
Bréfið var skrifað á Íslandi.
Bréfið var skrifað í Skálholti 29. október 1515.
Stofnun Árna Magnússonar á Íslandi tók við bréfinu í desember 1996.
Gert var við bréfið og búið um það í nýjum umbúðum af forvörðum á viðgerðarstofu Det Arnamagnæanske Institut í Kaupmannahöfn árið 1996 eða fyrr.
Eldri umbúðir, einföld mappa úr brúnum pappír, liggur með í öskjunni.