„Öllum mönnum þeim er þetta bréf sjá eður heyra senda Jón Jónsson, Þorleifur Örnólfsson, Ívar Brandsson, Sigurður Ívarsson lögréttumenn, Oddur Gísalason, Hallgrímur Skúlason, Jón Eireksson, Sigurður Oddsson, Jón Árna(son), Sveinn Sigurðsson, Kjartan Jónsson og Jón Ólafsson …“
„… fyrir þetta dómsbréf hvert er skrifað var í sama stað og ár, degi síðar en fyrr segir.“
Íslenzkt fornbréfasafnVIII. nr. 329, bl. 404-407. Reykjavík 1906-1913
Tylftardómur út nefndur og samþykktur af Jóni Sigmundssyni lögmanni um kærur Björns Guðnasonar til Jóns Jónssonar Þorlákssonar og Solveigar Björnsdóttur, út af framfærslutöku Jóns við Jón heitinn Þórðarson er misfórst, um skatthald, um heimferð Jóns til Eyrar í Seyðisfirði og burtrekstur á málnytupeningi þaðan og aðrar óspektir. Jón Jónsson er dæmdur réttfangaður og réttgripinn hvar sem hann náist utan griðastaða (DI VIII:404).
Skrifari óþekktur.
Á blaði 1v með annarri hendi en bréfið: „domur vm jon solveigar son á holi var“.
Umbúðir frá 1996 eða fyrr(420 mm x 520 mm x 20 mm).
Fimm innsigli af tólf eru varðveitt.
Bréfið var skrifað á Íslandi.
Bréfið var skrifað á Marðarnúpi í Vatnsdal 17. september 1512.
Stofnun Árna Magnússonar á Íslandi tók við bréfinu í desember 1996.
Gert var við bréfið og búið um það í nýjum umbúðum af forvörðum á viðgerðarstofu Det Arnamagnæanske Institut í Kaupmannahöfn árið 1996 eða fyrr.
Eldri umbúðir, einföld mappa úr brúnum pappír, liggur með í öskjunni.