Skráningarfærsla handrits

Eyður fyrir upphafsstafi.

• Skrifað á uppskafning.
• Handritið er óheilt, t.d. eyða aftan við bl. 3.
• Blöðin eru blettótt og talsvert skemmd vegna fúa.

Rauður upphafsstafur á bl. 1r, sem líklega er úr eldri textanum sem skafinn hefur verið upp.

• Bl. 2r (neðri spássía): Athugasemd Árna Magnússonar um aðföng.

• Ýmis mannanöfn og pennakrot á bl. 6r og 15v.

  Bl. 6r: Athugasemd Þorsteins Jónssonar, ársett 1662, um blaðfjölda handritsins (Þesse Bok h(e)fur 2c blǫd og 13 Betr).

  Bl. 15v: Athugasemd um að Tómas Finnsson hafi þessa rijmna book yfir lesið.

• Bl. 9v (neðri spássía): Bæn til Krists á íslensku.

Fastur seðill (tvinn) (201 mm x 148 mm): með hendi Árna Magnússonar:„Fremst í Hólsbókinni eru: 1. Heilags anda vísur. 2. Annað þvílíkt ónafnkennt. 3. Lilja endurbætt. 4. Ljómur #vide in altero folio. 5. Dæglur. 6. Niðurstigsvísur, fragment. 7. Catechismu svísur. Þetta skrifaði mér Jón Magnússon bróðir minn, þá hann var í Hjarðarholti, áður en ég eignaðist Hólsbókina. Þessi ordo er óréttur. Á bókinni eru framan við Rímurnar. 1. Hailags anda vísur. 2. Lilja (α). 3. Dæglur (β). Niðurstigsvísur (γ). 5. Boðorðavísur (δ). 6. Barnagælur. 7. Boðorðadiktur. 8. Adams óður. 9. Krossgrátur (ε) 10. Carmen de Christo (ζ). 11. Catechismus vísur. 12. Lazarusvísur (η). α) Nokkur vers framan af, hitt allt er burtu. Verður svo eigi séð, hvert hún sé sú reformeraða Lilja eða eigi. Þetta hefi, óefað heilla verið, þá Jón Magnússon handlék bókina. β) Vantar nú upphafið. γ) Vantar mikið í miðjuna. δ) Vantar mikið aftan við, og hefur þar aldrei skrifað verið. ε) Er Píslagrátur biskups Jóns. Vantar undan. ζ) Deest initium. η) Nokkur fá vers framan af, og hefur þar aldrei meira skrifað verið. #Ljómur hefur hér aldrei verið, sem sýnist. Það mun vera Píslagrátur sem Jón Magnússon hér með meinar.“

Tímasett til c1600 ( Katalog (II) 1894:147 ). Var áður hluti af stærri bók, Hólsbók , frá Hóli í Hörðadal, og stóð þar framan við rímnasafn, sem sennilega hefur verið meginefni bókarinnar (sbr. seðla, sjá einnig seðil í AM 721 4to).

Árni Magnússon fékk handritið frá Magnúsi Jónssyni í Snóksdal árið 1704 (bl. 2). Ýmsir menn hafa skrifað nafn sitt í það, t.d. Grímur Jónsson árið 1633 (bl. 15v) og Hallgrímur Jónsson 1629 (bl. 15v).

Samkvæmt lýsingu frá c1876 var þá einnig undir númerinu 720: 1 skinnblað með broti af Lilju (um 10 erindum) og 2 skinnblöð með broti af Guðspjallavísum (sjá  Katalog (II) 1894:148 ). Samkvæmt athugagrein Árna Magnússonar, á umslagi sem fylgdi þessum brotum, voru þau úr skinnbók frá c1580-1590, sem Árni fékk frá Magnúsi Markússyni, rektor í Skálholti. Í henni voru einnig Píslargrátur, Heim vil eg heimskan telja, Hugbót, Hjónasinna og Ein ný vísa af VII höfuðsyndum (Herra Jesús hjálpin mín). Árni segir bókina liðna undir lok, utan eins blaðs sem hann hafi geymt til sýnis (sjá  Katalog (II) 1894:148 og Biskupa sögur (II) 1878:509 ).

Stofnun Árna Magnússonar á Íslandi tók við handritinu 30. maí 1985.

• Svart-hvítar ljósmyndir á Det Arnamagnæanske Institut í Kaupmannahöfn.
• Svart-hvítar ljósmyndir á Stofnun Árna Magnússonar á Íslandi.