„Inntak úr sendibréfum ýmsra vitra manna um lagaskilning, föður mínum til skrifuðum“
27 sendibréf eða útdrættir bréfa, frá Birni Jónssyni á Skarðsá til Guðmundar Hákonarsonar, um lögfræðilegt efni. Hér eru og varðveittar vangaveltur Guðmundar Hákonarsonar um áttundu erfð og hans eigið svar þar uppá. Handritinu lýkur á miðju bl. 32v með fyrirsögn að 28. bréfi Björns á Skarðsá.
Ein hönd.
Tómur rammi ætlaður um skjaldarmerki.
Upplýsingar á seðli með hendi Árna Magnússonar í AM 250 b 4to eiga við um þetta hdr.
Skrifað af Þorkatli Guðmundssyni (sjá seðil í AM 250 b 4to) og tímasett til c1650-1700, en til 17. aldar í Katalog I , bls. 515.
Árni Magnússon fékk handritið fyrst að láni árið 1708 hjá Þorleifi Arasyni frá Haga, en Þorleifur gaf honum það síðan 1711 (sjá seðil í AM 250 b 4to).
Stofnun Árna Magnússonar á Íslandi tók við handritinu 28. september 1973.
Tekið eftir Katalog I , bls. 515 (nr. 980). Kålund gekk frá handritinu til skráningar í nóvember 1886. GI skráði 1. október 2001. Már Jónsson skráði seðla Árna Magnússonar í febrúar 2000.