Nafngreindir höfundar: Jón Einarsson skólameistari í Skálholti (Krossskóli), séra Jón Magnússon í Laufási í Eyjafirði (Vikusálmar), Kolbeinn Grímsson Jöklaraskáld (Vikusöngur út af bænabók D. Johannis Havermann), séra Stefán Ólafsson í Vallanesi (Kingosálmar) og Steinn Jónsson biskup á Hólum (Upprisusaltari og Vikusöngur D. Jóhannis Olearii). Upprisusaltari Steins biskups er skrifað eftir útgáfunni á Hólum 1730 (33r) og Kingosálmar í Mýnesi í Eyðaþinghá 1729, en þá sat þar Eiðapresturinn Einar Jónsson.
Pappír.
Skinnband.
Lbs 4391-4393 8vo. Gjöf 11. febrúar 1982 frá Halldóri Péturssyni rithöfundi í Kópavogi.
Á blaði (122v) stendur: Steinunn Runólfsdóttir á bókina með réttu af afa gefin 1810, B. K .
Á fremra skjólblað r er ritað nafn Sigurðar Sigurðssonar og á bl. 32v nöfnin: Runólfur, Pétur, Kristrún, Halldór, Hallfríður, Guðný og Steinunn. Allt munu þetta ættmenn gefanda. Sigurður Sigurðsson var föðurfaðir gefanda, síðast bóndi í Fögruhlíð í Jökulsárhlíð.
Skráning Gríms M. Helgasonar og Ögmundar Helgasonar á handritinu er aðgengileg í ritinu Skrá um handritasöfn Landsbókasafnsins, 4. aukabindi, bls. 298-299.
Halldóra Kristinsdóttir frumskráði 26. nóvember 2018.
Guðrún Laufey Guðmundsdóttir bætti við skráninguna 26. mars 2019.