„Hér byrjar Braga sögu af hverjum rökum skálda er dregin ungum skáldum til skilnings og skemmtilegrar undirstöðu.“
Lbs 1438 4to er eftirrit Páls Eggerts Ólasonar af NKS 1885 b, 4to, skrifað árið 1906. Sjá hér.
„Maður er nefndur Ægir eða Hlér. Hann bjó ...“
„... skyldi trúa það guði að vera.“
„... Hér endast Braga saga.“
Lbs 1438 4to er eftirrit Páls Eggerts Ólasonar af NKS 1885 b, 4to, skrifað árið 1906. Sjá hér.
„Og með því að sú rétta fyllilega skálda ...“
„... heldur láta þar vera á parti.“
Jón Þorkelsson, Om digtningen på Island i det 15. og 16. århundrede, s. 211.
„Hér að framanskrifuð Braga saga og það sem henni fylgir er partur úr Eddu Jóns Guðmundssonar lærða sem hann samanskrifaði og sendi til eignar Mag: Brynjólfi Sveinssyni biskupi í Skálholti, svo sem sjá má af þessum hans skrifa strax eftir Braga sögu. F.I.N.I.S. (Bl. 13r).“
Þrjú síðustu blöðin eru auð.
Anthony Faulkes hefur bent á skyldleika texta handritsins við X-texta Laufás-Eddu Magnúsar Ólafssonar og eru nokkrir leshættir í handritinu örugglega komnir úr þeim texta. Faulkes, A. (1979), Two versions of Snorra Edda. Edda Magnúsar Ólafssonar (Laufás Edda)
Upprunalega blaðsíðumerking 1-25,skrifuð með bleki á efri spássíu.
Tvö kver:
Með hendi Jakobs Sigurðssonar, fljótaskrift með kansellíbrotaskrift í fyrirsögnum og sem áherslur í texta og fyrirsögnum, sjá dæmi bl. 5v.
Upprunalegt band (209 mm x 166 mm x 4 mm).
Bókaspjald úr pappa með flæðimynstri. Límmiði á fremra spjaldi með stimpli og: „Braga saga | af hverjum | rökum Skálda | er dreginn“.
Handritið er í nýlegri öskju (213 mm x 171 mm x 13 mm). Límmiði framan á með safnmarki.
Með handritinu fylgir lítill brúnn merkimiði frá Safni Konunglega bókasafnsins í Kaupmannahöfn. Á honum stendur: „Håndskr. Afd. | Ny kgl. | Saml. | 1885 b| 4° | Braga saga“
Handritið er tímasett til 18. aldar í Katalog over de oldnorsk-islandske håndskrifte, nr. 797.
Skrifari handritsins var Jakob Sigurðsson (1724/1730-1779) og telur Einar G. Pétursson ritunartími vera á milli 1762-1775, (Einar G. Pétursson (1998), Eddurit Jóns Guðmundssonar lærða I, s. 19, 202 og 205). Jakob mun hafa fæðst á árabilinu 1724 til 1730 og markar fyrra ártalið upphaf hjúskapar foreldra hans, Sigurðar Ketilssonar prests og skálds og Ingibjargar Jakobsdóttur, en hið seinna andlát föður hans. Jakob lést 1779 og eru engar heimildir um að hann hafi farið til Kaupmannahafnar (sjá nánar í Einar Jónsson (1959), Ættir Austfirðinga, IV, s. 853-854).
Handritið er því að líkindum skrifað á Íslandi (Einar G. Pétursson (1998), Eddurit Jóns Guðmundssonar lærða I, s. 203).
Handritið var áður c-liður í NKS 1703 4to og var það handrit allt áður með safnmarki Suhm 1310 4to. Ekki eru til gögn um hvernig P. F. Suhm fékk bækur sínar eða handrit. Einar G. Pétursson nefnir tvær hugsanlegar leiðir sem handritið gæti hafa borist eftir til Kaupmannahafnar. Hans Wium kann að hafa átt handritið og það hafi farið með honum til Kaupmannahafnar 1795. Einnig komi til greina að Eiríkur Guðmundsson Hoff hafi haft það með sér til Kaupmannahafnar (Einar G. Pétursson (1998), Eddurit Jóns Guðmundssonar lærða, I, s. 201-205).
Stofnun Árna Magnússonar á Íslandi tók við handritinu 22. október 1986.
Áður í safni Konunglega bókasafnsins í Kaupmannahöfn.
HOM skráði handritið 24. apríl 2023.
BS aðlagaði kóðann samkvæmt TEI P5 reglum 2. maí 2023.
MJG uppfærði upplýsingar 11. september 2023 ; 9. janúar 2024.
Skráning Kristian Kålunds á handritinu er aðgengileg á Katalog over de oldnorsk-islandske Håndskrifter i Det store kongelige Bibliotek og i Universitetsbiblioteket, bls. 259.