„Sagan af Hávarði Ísfirðing og syni hans Ólafi bjarnyl. Kapituli 1.“
„Það er upphaf þessarar sögu að Þorbjörn hét maður …“
„… lúkum vér nú þar þessari sögu að sinni með þessu efni.“
„Biarnar saga Hítdælakappa“
„Nú skal segja nokkuð af þeim íslenskum mönnum …“
„… og lýkur hér nú frásögu þessari.“
Tólf kver:
Band (320 null x 215 null x 20 null) frá 1880-1920. Strigi á kili og hornum, pappírsklæðning.
Handritið var skrifað í Noregi (Stangarlandi) og er tímasett frá ársbyrjun 1690 til vors 1697 í umfjöllun Más Jónssonar um skrifarann Ásgeir Jónsson (sbr. Már Jónsson 2009: 282-297 ) en til um 1700 í Katalog I , bls. 109. Virkt skriftartímabil skrifara var ca 1686-1707.
Blöð 33-63 voru lengi í KBAdd. 3 fol., þar sem lokum Bjarnar sögu Hítdælakappa hafði verið bætt við, en nú er bæði upprunalegt niðurlag (blað 64-66) og niðurlagið úr KBAdd. 3 fol. (blöð 67-69 ) í þessu handriti.
Það var áður hluti af stærri bók sem innihélt einnig AM 173 fol., AM 146 fol., AM 157 f fol. og handrit Vatnsdæla sögu sem nú er glatað (sbr. AM 435 a 4to, blað 162r (útg. bls. 52) og AM 435 b 4to, blöð 4v-5v (útg. bls. 69-70).
Bókin sem handritið tilheyrði var nr. XI fol. í safni Þormóðs Torfasonar, en Árni Magnússon tók hana í sundur.
Stofnun Árna Magnússonar á Íslandi tók við handritinu 2. apríl 1974.
Kålund gekk frá handritinu til skráningar 2. desember 1885, Katalog I; bls. 109 (nr. 187), DKÞ grunnskráði 21. júní 2002, VH skráði handritið samkvæmt TEIP5 reglum 1. desember 2008; lagfærði í nóvember 2010,
Bundið af Otto Ehlert á árunum 1880-1920.