Allrahanda ýmislegs efnis til skemmtunar og fróðleiks, þeim er nema vilja. Samantínt og í letur fært af Bjarna Jóhannessyni. Byrjað Annó 1860.
Lbs 2403 8vo er samtíningur og inniheldur ýmislegt. Mest af því er útlendur fróðleikstíningur alls konar. Einnig er nokkuð af innlendum fróðleik og sögnum. Hér er t.d. biskupatal (bæði í Skálholti og á Hólum), frásögn af Fjalla-Eyvindi og reisusaga Benjamíns Flóventssonar frá Oddeyri til Stykkishólms og þaðan til Reykjavíkur. Hér er einnig fróðleikur um eldfjallið Heklu ásamt ýmsu öðru. Annars er fremst í handriti nákvæmt efnisyfirlit yfir það sem er í handritinu.
Einnig eru nokkur kvæði í handritinu og eru ofangreindir höfundar nafngreindir.
„Blanda er uppfundinn Annó 1356“
Rímbegla er ritgerð um íslenskt tímatal.
Pappír.
Fremst í handritinu er skreytt rammatitilsíða.
Í kafla 89 sem fjallar um Danmörk er kort af Danmörku (bls. 177).
Í kafla 119 sem fjallar um töfl eru þrjár myndir af taflborðum (bls. 305, 308 og 309).
Mest innbundið en kápan hefur rifnað frá og fylgir ekki með.
Lbs 2402-2403 8vo, keypt af Finni Sigmundssyni bókaverði 1934.
Skráning Páls Eggerts Ólasonar á handritinu er aðgengileg í ritinu Skrá um handritasöfn Landsbókasafnsins, 3. bindi, bls. 338-339.
Kjartan Atli Ísleifsson frumskráði 8. apríl 2024.