Handritaskrá Árnastofnunar

Tilraunaútgáfa

Ísland Reykjavík Stofnun Árna Magnússonar í íslenskum fræðum Handritasvið Safn Árna Magnússonar AM 410 fol. 568 Addit 3b fol.

Sendibréf

Íslenska, latína og danska 1r-185v (auk 18bis, 115bis, 118bis1, 118bis2) Sendibréf Meira en helmingur bréfanna er til séra Hjalta Þorsteinssonar í Vatnsfirði frá íslenskum embættismönnum, þ.á m. biskupum; fremst eru tvö bréf frá Gram prófessor (um lát Árna Magnússonar). Einnig bréf frá Jóni Ólafssyni úr Grunnavík, bréf til og frá ýmsum íslenskum embættismönnum, einkum á Norðvesturlandi, sem og nokkur kansellíbréf og stjórnsýslulegar tilskipanir. Safnið má líklega rekja til Jóns Ólafssonar úr Grunnavík. Meðal nafna bréfritara koma fyrir Árni Magnússon, Jón Þorkelsson, Magnús Gíslason, Jón Árnason, Páll Björnsson, Björn Einarsson, Jón Vídalín, Oddur Sigurðsson, Steinn Jónsson, Brynjólfur Þórðarson Thorlacius, Jón Halldórsson, Ólafur Gíslason, P. Beyer, O. Sivertsen, Fuhrmann, Lafrentz, Drese(?), Gísli Magnússon, Benedikt Thorsteinsson, Þorlákur Björnsson, Páll Vídalín, Þórður Guðmundsson, Gísli Jónsson, Jonas Enarius, Oddur Jónsson, Jón Sigurðsson, Jón Paulsson, Ólafur Árnason, G. Sigurðsson, Sig. Jónsson, Þorleifur Þorláksson (Thorlefus Thorlaci). Pappír (Vatnsmerki greinilegt á bl. 27). i + 190 + i blöð, þar með talin bl. 18bis, 115bis, 118bis1 og 118bis2 auk innskotsblaðs fremst ( 315-330 205-210 , en mörg blaðanna eru minni). Auð blöð: 20r og 22v að mestu, 26r, 27r, 32r, 34r, 70v, 85r, 97v, 128r, 158v, 174v.

Handritið hefur nýlega verið blaðmerkt með blýanti fyrir miðju á neðri spássíu, 1-185.

Flest bréfin eru annaðhvort á tvíblöðungum eða stökum blöðum.

Mörg blaðanna eru trosnuð á jöðrum og hefur texti sums staðar skerst vegna þess (sjá einkum bl. 5, 13, 14, 15, 17r, 21r, 45r, 181-185). Bl. 130 og 183 eru mjög blettótt (vatns- eða rakaskemmdir) og texti skertur. Bl. 173 er talsvert skemmt, bleksmitun, blettir og stór biti úr neðra horni yst hefur rifnað af eða trosnað. Gert hefur verið við blaðið með handgerðum pappír en texti er talsvert skertur. Af bl. 180 er aðeins efri hluti varðveittur en gert hefur verið við blaðið með handgerðum pappír. Einnig hefur verið gert við bl. 25, 26 og 74 á svipaðan hátt. Gert hefur verið við göt sem mynduðust þegar innsigli var rifið frá á bl. 51r og 88r. Skorið hefur verið niður eftir ytri spássíu víða og gengið ansi nærri texta sums staðar. Talsverð bleksmitun á bl. 169.

Með ýmsum höndum, flest bréfin eru með fljótaskrift en aðrar skriftartegundir koma einnig fyrir.

Á innskotsblaði fremst er skrá yfir bréfritara með dagsetningum og blaðnúmerum, ef til vill með hendi Kålunds.

Band frá nóvember 1975 ( 343 235 55 ). Pappaspjöld klædd fínofnum líndúk, grófari dúkur á kili og hornum, saumað á móttök. Saurblöð tilheyra bandi.

Leifar af rauðu innsigli á bl. 16v, 20v, 25v, 26v, 27v, 32v, 34v, 36v, 38v, 39v, 40v, 42v, 44v, 48v, 49v, 54v, 55v, 61v, 62v, 65v, 69v, 72v, 80v, 84r, 85v, 87v, 102v, 110v, 125v, 126v, 129r, 136v, 138v, 141v, 146v, 148v, 153v, 154v, 156v, 159v, 161v, 164v, 171v, 175v, 178v, 183v. Einnig á ómerktum blaðstubb sem er á milli bl. 7 og 8

Leifar af svörtu innsigli á bl. 100v, 145v, 151v, 166v.

Merki um innsigli sem dottið hafa af eru víðar.

Meirihluti bréfanna var skrifaður á Íslandi en mörg einnig í Danmörku. Þau eru tímasett til ca 1700-1750 í Katalog I , bls. 310.

Stofnun Árna Magnússonar á Íslandi tók við handritinu 11. nóvember 1985.

ÞS skráði samkvæmt reglum TEI P514.-15. desember 2009. DKÞ færði inn grunnupplýsingar 9. ágúst 2002. Kålund gekk frá handritinu til skráningar 2. júlí 1887 (sjá Katalog I 1889:310-311 (nr. 568) .

Viðgert og bundið af Birgitte Dall í nóvember 1975. Eldra band fylgir.

Svart-hvítar ljósmyndir á Det Arnamagnæanske Institut í Kaupmannahöfn.

Migrated from MASTER to P5