Skráningarfærsla handrits

SÁM 106

Rímur ; Ísland, 1800-1899

Tungumál textans
íslenska

Innihald

1 (1r-106v (bls. 1-214))
Rímur af Remundi Rígarðssyni
Titill í handriti

Ljóðmælabók; hér skrifast rímur af Remundi Rígarðssyni. 1ta ríma

Upphaf

Skáldin fríð um falda strönd …

Niðurlag

… lofaður sé, ljúfur um aldir alda. Endir.

Athugasemd

Tuttugu og fjórar rímur; (sjá nánar Rímnatal 1966: 399-400).

Efnisorð
2 (107r-126v (bls. 214-255))
Rímur af Úlfi Uggasyni
Titill í handriti

Rímur af Úlfi konungi Uggasyni. 1ta ríma, ferskeytt

Upphaf

Valur flýgur visku lands …

Niðurlag

… tröllið þetta hræðumst vær.

Athugasemd

Sex rímur; (sjá nánar Rímnatal 1966: 481-482).

Efnisorð
3 (127r-142r (bls. 256-286))
Rímur af Sigurði fót og Ásmundi Húnakóngi
Titill í handriti

Rímur af Sigurði fót og Ásmundi Húnakóngi kveðnar af sál. Árna Sigurðssyni. 1ta ríma.

Upphaf

Mér nú fyrst í sinni set …

Niðurlag

… virði korða ágætur.

Athugasemd

Fimm rímur; (sjá nánar Rímnatal 1966: 424).

Efnisorð
4 (142r-143v (bls. 286-289))
Einbúavísur
Titill í handriti

Einbúa vísur eignaðar síra Benidikt Jónssyni á Bjarnarnesi.

Upphaf

Karl ógiftur einn réð á …

Niðurlag

… … kljáð til þagnar lykta.

Athugasemd

Vísurnar eru hér eignaðar séra Benidikt Jónssyni á Bjarnarnesi.

Lýsing á handriti

Blaðefni
Pappír.
Blaðfjöldi
ii + 143 blöð (158-160 mm x 99-100 mm).
Tölusetning blaða

Upprunalegt blaðsíðutal: 1-289; blaðsett af skrásetjara með blýanti: 1-143.

Kveraskipan

Átján kver.

  • Kver I: blöð 1-8, 4 tvinn.
  • Kver II: blöð 9-16, 4 tvinn.
  • Kver III: blöð 17-24, 4 tvinn.
  • Kver IV: blöð 25-32, 4 tvinn.
  • Kver V: blöð 33-40, 4 tvinn.
  • Kver VI: blöð 41-48, 4 tvinn.
  • Kver VII: blöð 49-56, 4 tvinn.
  • Kver VIII: blöð 57-64, 4 tvinn.
  • Kver IX: blöð 65-72, 4 tvinn.
  • Kver X: blöð 73-80, 4 tvinn.
  • Kver XI: blöð 81-88, 4 tvinn.
  • Kver XII: blöð 89-96, 4 tvinn.
  • Kver XIII: blöð 97-104, 4 tvinn.
  • Kver XIV: blöð 105-112, 4 tvinn.
  • Kver XV: blöð 113-120, 4 tvinn.
  • Kver XVI: blöð 121-128, 4 tvinn.
  • Kver XVII: blöð 129-137, 4 tvinn+ 1 stakt blað.
  • Kver XVIII: blöð 138-143, 3 tvinn.

Umbrot

  • Eindálka.
  • Leturflötur er ca 140-145 mm x 85-90 mm.
  • Línufjöldi er ca 30-40.
  • Leturflötur er afmarkaður með penna nema við neðri spássíu.
  • Griporð á stöku stað.

Ástand
.

  • Þvengir hafa slitnað og liggur textablokkin laus innan í bandinu. Spjaldpappír sem losnað hafði innan af fremra spjaldi hefur við viðgerð á handritinu verið festur inn sem aukasaurblað aftan við saurblað að framan. Kver XVII og XVIII eru laus frá textablokk og liggur blað 137 laust á milli þeirra.
  • Blöð eru notkunarnúin og víða blettir (sjá t.d. blöð 49r-50v)

Skrifarar og skrift

Með einni hendi; sprettskrift. Skrifari er hugsanlega Guðmundur Sveinsson á Stóru-Þverá? (sjá fremra saurblað, n.t.t. til dæmis upphafs-S í Sveinsson og Stóruþverá og k-ið í bók borið saman við sömu stafi í textanum).

Skreytingar

Fyrirsagnir og fyrsta lína rímu eru með stærra og settara letri en annars er á textanum (sjá t.d. blöð 8v-9r og 81r).

Skrautbekkur umlykur fyrirsagnir á blöðum 1r, 107r og 127r

Spássíugreinar og aðrar viðbætur

  • Á fremra saurblað er skrifað Guðmundur Sveinsson á Stóru-Þverá á þessa bók ár 1867 (skrifarinn ?). Þar er ennfremur skrifað: Benedikt Jónsson, Siglunesi .
  • Á fremra saurblað versó er getið um hluta efnis bókarinnar. Þar segir:Rímur af Remundi eru 24 kveðnar af Jóni Guðmundssyni er bjó í Rauðseyjum, kallaður Rauðseyjarskáld. Þar fyrir neðan: 1. Remundur, 2. Úlfur Uggason, 3. Sigurður fót.

Band

Band (170 mm x 108 mm x 35 mm): Beykitréspjöld ásamt kili klædd svarbrúnu skinni í heilt. (sjá nánar: Ástand).

Handritið liggur í grárri pappaöskju með SÁM 98, 99, 100, 101, 102, 103, 104 og 105.

Fylgigögn
Afhendingarlisti Kvæðamannafélagsins Iðunnar, dagsettur 15. september 2008. Miði með númeri handrits á afhendingarlista er einnig meðfylgjandi.

Uppruni og ferill

Uppruni

Handritið var skrifað á Íslandi, sennilega á síðari hluta nítjándu aldar .

Ferill
Það er gjöf frá Kvæðamannafélaginu Iðunni; tölusett sem nr. 222 á afhendingarlista (sjá: Fylgigögn). Það hefur verið í eigu Guðmundur Sveinsson á Stóru-Þverá 1867 sem hugsanlega er einnig skrifari þess (sjá nánar: Spássíugreinar og aðrar viðbætur).
Aðföng
Stofnun Árna Magnússonar á Íslandi fékk handritið, ásamt fleiri handritum, afhent til varðveislu þann 15. september 2008. Formleg afhending handritanna fór fram ári síðar, 15. september 2009, þegar Kvæðamannafélagið Iðunn fagnaði 80 ára afmæli sínu.

Aðrar upplýsingar

Skráningarferill

VH skráði í september 2010.

Lýsigögn
×

Lýsigögn