Skráningarfærsla handrits

SÁM 25d

Sögubók (4/6) ; Ísland, 1909

Tungumál textans
íslenska

Innihald

1 (1r-20v)
Sagan af stúlkunni sem var kænni en keisarinn
Titill í handriti

„1. stíll;Sagan af stúlkunni sem var kænni en keisarinn“

Upphaf

„Endur fyrir löngu var dálítið sveitaþorp einhvers staðar langt úti í veröldinni …“

Niðurlag

„… þar til dauðinn gerði enda á sælu þeirra“

Athugasemd

Stílar 1-16 fjalla um ofangreint efni.

Efnisorð
Ævintýri
2 (20v-29r)
Gullkerran
Titill í handriti

„17. stíll; Gullkerran“

Upphaf

„Einu sinni voru tvö fátæk systkin, piltur og stúlka …“

Niðurlag

„… því að þau höfðu sjálf best reynt, hver fátæktin er, meðan þau voru börn og lifðu á vergangi.“

Athugasemd

Stílar 17-21 fjalla um ofangreint efni.

Efnisorð
Ævintýri
3 (28r-29v)
Smásaga I
Titill í handriti

„22. stíll“

Upphaf

„Maður nokkur sat við miðdegisverð …“

Niðurlag

„… Asninn hafði ljónshúð en hann var ekki ljón.“

Efnisorð
Smásögur
4 (29v-32v)
Smásaga II
Titill í handriti

„23. stíll“

Upphaf

„Litli Jakob var aðeins átta ára gamall, þegar faðir hans tók hann með sér í langa sjóferð …“

Niðurlag

„… að þeim væri engin hætta búin er Guð verndaði.“

Skrifaraklausa

„Þessir stílar eru skrifaðir veturinn 1909 í Skinnalóni á Melrakkasléttu í Norður-Þingeyjarsýslu af Helga Kristjánssyni frá Leirhöfn á Sléttu.“

Athugasemd

Skrifaraklausan er á blaði 32v. Þar er einnig vísan Nú er úti veðrið vott, verður allt að klessu …. Á blöðum 32v-34r er listi yfir þá sem hafa borgað mér U.I. þettað ár 1909 og það Sem ég skulda öðrum o.fl.

Blað 34v er autt.

Á innanverðu kápuspjaldi er tvisvar skrifuð upp vísa af sama meiði: 1) Vanda þráð í vísustig …, 2) Vanda þráð í vísuþátt …

Efnisorð
Smásögur

Lýsing á handriti

Blaðefni
Pappír.
Blaðfjöldi
34 blöð (157 mm x 105 mm).
Tölusetning blaða

Upprunalegt blaðsíðutal: 1-64 (bls. 65-68 eru ónúmeraðar).

Blaðsett af skrásetjara með blýanti 1-34.

Blað 34v er autt.

Kveraskipan

Eitt kver.

  • Kver I: blöð 1-34, 15 tvinn + fjögur stök blöð (blöð 1, 2, 3 og 5).

Umbrot

  • Eindálka.
  • Leturflötur er 140 mm x 100 mm.
  • Línufjöldi (áprentaðar línur) er 18-19 (nítjánda línan er ýmist með eða sneiðst hefur af henni).

Ástand
Blöð 1-3 eru laus úr bandinu.
Skrifarar og skrift

Með hendi Helga Kristjánssonar í Leirhöfn (sbr. spjaldblað); snarhönd.

Band

Band (157 mm x 105 mm x 5 mm): Pappaspjöld eru klædd grænum og svörtum marmarapappír. Spjöldin innanverð eru klædd með skrifpappírnum.

Handritið liggur í grárri pappaöskju með handritum SÁM 25 a-c og e-f.

Uppruni og ferill

Uppruni

Handritið var skrifað á Íslandi, 1909 (sbr. spjaldblað).

Ferill

Stílabók Helga Kristjánssonar (frá Leirhöfn)Bókin er ein sex lítilla bóka sem stofnunin á í uppskrift Helga Kristjánssonar (sbr. ópr. skrá SÁM)

Aðrar upplýsingar

Skráningarferill

VH skráði 3. nóvember 2010.
Lýsigögn
×

Lýsigögn