Skráningarfærsla handrits

PDF
PDF

AM 114 8vo

Kjalnesinga saga og Jökuls þáttur Búasonar ; Ísland, 1661

Tungumál textans
íslenska

Innihald

1 (1r-16v)
Kjalnesinga saga
Titill í handriti

Hér byrjar söguna af Búa Íslendingi hinum einráða

Upphaf

Helgi bjólan son Ketils flatnefs …

Niðurlag

… er mikil ætt frá honum komin.

Baktitill

Og lúkum vér þar Kjalnesinga sögu.

2 (16v-22r)
Jökuls þáttur Búasonar
Titill í handriti

Hér eftir byrjast sagan af Jökli Búasyni.

Upphaf

Jökli þótti nú svo illt verk sitt …

Niðurlag

… og lýkur svo hér frá Jökli að segja.

Skrifaraklausa

Anno 1661, þann 4.ða nóvember.

Athugasemd

Blað 22v var upprunalega autt en á það hefur verið ritað með yngri hendi, m.a. Hallur Bjarnason á þessa bók með réttu

Lýsing á handriti

Blaðefni
Pappír með vatnsmerkjum.
  • Aðalmerki: Lítið dárahöfuð með fimm bjöllum, sennilega með keðju (bl. 1, 4, 5, 8, 10, 11, 14, 15, 18, 19, 20, 21).

    Mótmerki: nokkrir stafir (bl. 2, 3, 6, 7, 12, 13, 17, 22 ).

Blaðfjöldi
i + 22 + i blöð (156 mm x 95-100 mm). Blað 22v var upprunalega autt.
Tölusetning blaða

  • Blaðmerkt er ýmist með blýanti eða bleki 1-22 (aðeins eru merkjanlegar leifar af blaðnúmeri blaðs 22).

Kveraskipan

Þrjú kver.

  • Kver I: blöð 1-8, 4 tvinn.
  • Kver II: blöð 9-16, 4 tvinn.
  • Kver III: blöð 17-22, 3 tvinn.

Umbrot

  • Eindálka.
  • Leturflötur er ca 140 mm x 85 mm
  • Línufjöldi er ca 30-35.
  • Griporð (sbr. t.d. blað 5v-6v).
  • Í lok texta er lítill, einfaldur bókahnútur og er hann eins og stórt C; lykkja er á efri hlutanum (sjá blöð 16v og 22r).

Ástand

  • Blöð eru dökk og víða blekblettir auk annars konar bletta (sjá t.d. blöð 11v og 13v-14r).

Skrifarar og skrift

Skreytingar

  • Lítið er um skreytingar en upphafsstafir Kjalnesinga sögu og Jökuls þáttar Búasonar eru blekfylltir og stærri en aðrir upphafsstafir.

  • Í fyrirsögnum og í fyrstu línu texta er letur stærra og settara en letur almennt (sjá t.d. blað 1r og 16v).

Spássíugreinar og aðrar viðbætur

  • Á blaði 22v kemur nafnið Hallur Bjarnason ítrekað fyrir í tengslum við eignarhald hans á bókinni sem hann segist eiga með réttu og enginn annar. Tvær dagssetningar má greina; annars vegar neðst á blaðinu 17. apríl án árs og svo fyrir miðju blaði 30. aprilis, anno 1665.
  • Pennaprúfur.

Band

Band er frá mars 1977. Strigi er á kili og hornum, strigaklæðning. Kver eru saumuð á móttök.

Fylgigögn

  • Seðill (155 mm x 104 mm) með hendi Árna Magnússonar: Úr kveri Halldórs Þorbergssonar er magister Björn léði mér. Þar á var Snjóskvæði, Kötludraumur, annar partur Eddu, Grænlands saga Björns á Skarðsá og fleira rusl.

    Seðillinn er gamalt umslag. Á versó-síðu þess er hluti af heimilisfangi og leifar af rauðu innsigli: Þurydi Arnadotter Minne Elskulegri Velgiórda systur ad Sæboli ä Jngialldssandi er þetta Blad af astseme allkiærlega Thilteyknad(?) og Sentt

  • Laus miði með upplýsingum um forvörslu bands í Kaupmannahöfn: AM 114.8vo. Restaureret og indbundet af Birgitte Dall marts 1977. Ældre bind vedlagt.

Uppruni og ferill

Uppruni

Handritið er skrifað á Íslandi árið 1661 (á blaði 22r er dagsetningin 4. nóvember 1661).

Í handritinu voru áður ennfremur Snjáskvæði, Kötludraumur, annar partur Eddu, Grænlands saga Björns Jónssonar á Skarðsá og fleira (sjá seðil).

Ferill

Hallur Bjarnarson átti handritið 1665 (sjá blað 22v), en Árni Magnússon fékk það að láni hjá mag. Birni og segir það úr kveri Halldórs Þorbergssonar (sjá seðil).

Aðföng

Stofnun Árna Magnússonar á Íslandi tók við handritinu 23. júní 1977.

Aðrar upplýsingar

Skráningarferill
  • MJG skráði vatnsmerki með gögnum frá BS, 6. mars 2024.
  • VH endurskráði handritið 11. september 2009; lagfærði í desember 2010.
  • ÞS skráði 4. febrúar 2002.
  • Kålund gekk frá handritinu til skráningar í 30. janúar 1890 í Katalog I, bls. 398-399 (nr. 2319).
  • GV sló inn texta af seðlum Árna Magnússonar undir umsjón ÞS og með hliðsjón af gögnum frá MJ.
Viðgerðarsaga

Viðgert og innbundið á verkstæði Birgitte Dall í mars 1977. Eldra pappaband fylgir með handritinu í öskju.

Myndir af handritinu

  • Stafrænar myndir á www.sagnanet.is.
  • Svart-hvítar ljósmyndir á Det Arnamagnæanske Institut í Kaupmannahöfn.

Notaskrá

Höfundur: Slay, Desmond
Titill: , The manuscripts of Hrólfs saga kraka
Umfang: XXIV
Titill: Katalog over Den Arnamagnæanske Håndskriftsamling
Ritstjóri / Útgefandi: Kålund, Kristian
Lýsigögn
×

Lýsigögn