Skráningarfærsla handrits

Blaðsíðumerkt 1-90, síðari tíma viðbót.

• Eindálka.
• Leturflötur er 155-163 mm x 97-105 mm
• Línufjöldi er 32-38.
• Stórir stafir sem lenda í upphafi línu dregnir út úr leturfleti, sjá t.d. 1v.

• Handritið er snjáð.
• Blöð eru sums staðar dökk, t.d. bl. 1r, 3r, 24v og 41r.
• Víða eru göt á skinni, sjá t.d. 41.
• Eyða aftan við bl. 32, svo sem sést af auðu kveri er stungið hefur verið þar inn og spássíumerkingum neðst á bl. 32v og efst á bl. 33r.
• Síðari tíma viðbót á bl. 45v, sem upprunalega hefur aðeins verið skrifað að tveimur þriðjuhlutum, hefur aftur verið skafin burt.
• Spássíur eru mikið skertar við afskurð.
• Blek hefur dofnað víða, sérstaklega rauðlitaðar fyrirsagnir og upphafsstafir.
• Hér og þar minni háttar göt og rifur í skinninu, en flestar þó jafngamlar handritinu. Ein slík rifa á bl. 28 saumuð saman með grænum silkiþræði.

Óþekktur skrifari, textaskrift.

Rauðritaðar fyrirsagnir, sjá t.d. bl. 3r, 7v, 13v og víðar.

Rauðir eða grænir upphafsstafir, bl. 1r, 3r, 7v, 8v, 9r, 11r, 12r, 13v, 15r, 17r, 18r, 19v, 20r, 22r, 24r, 28v, 33v, 34v, 36r, 37r, 38r, 38v, 39v, 41r, 44r og 44v.

Víða skreytingar með hendi skrifara við kvæðislok á neðri spássíu.

Spássíuteikningar og krot:

• Óskilgreint: bl. 4v, 7v, 12r, 13r, 27r, 40r.
• Pennadregið laufskreyti neðst á spássíum hægra horni leturflatar: bl. 11r, 14r, 18r, 21r, 25r, 30r, 32r.
• Pennadregin andlit neðst á spássíum: bl. 16r, 23r og 44v
• Pennadreginn dreki: 16v, 35r og 43v.

• Átta auð innskotsblöð aftan við bl. 32 (eitt kver).
• Bókamerki Brynjólfs Sveinssonar biskups (LL) og ártalið 1643 á bl. 1r.
• Skrif á bl. 32v-33r eignuð Þormóði Torfasyni.
• Hönd Árna Magnússonar á stöku stað (en hann hefur skrifað handritið upp).
• Ýmsar athugagreinar og krot, þar á meðal nafnið Magnús Eiríksson á bl. 5r (frá um 1600).

Nokkrir bókfellsstrimlar úr gamalli latneskri messusöngsbók hafa verið festir við saurblað fremst og er á þeim efnisyfirlit með hendi Ásgeirs Jónssonar.

Handritið var skrifað á Íslandi. Það er tímasett til ca 1270 (þ.e. óbundna málið, sjá ONPRegistre, bls. 472) en til loka 13. aldar í Katalog KB, bls. 43.

Brynjólfur Sveinsson biskup merkti sér handritið árið 1643 (sbr. bl. 1r) en sendi það Friðriki III Danakonungi að gjöf 1662.

Stofnun Árna Magnússonar á Íslandi tók við handritinu 21. apríl 1971.

Frá 11. nóvember 2024 til febrúar 2025 er handritið ekki aðgengilegt. Það er á sýningunni „Heimur í orðum“ í Eddu.

• Svart-hvítar ljósmyndir á Det arnamagnæanske Institut í Kaupmannahöfn.
• Svart-hvítar ljósmyndir á Stofnun Árna Magnússonar á Íslandi.
• Svart-hvítar ljósmyndir á NorS Sprogsamlinger.