Myndir af sjávardýrum eru í láréttum reit efst á kortinu, skjaldarmerki Íslands, flattur þorskur borinn af tveimur fuglum, í efra hægra horni, titill þar fyrir neðan og skjöldur með táknmyndum og tileinkun til Kristjáns konungs V í neðra vinstra horni.

Skrifað í fjóra dálka neðan við kortið, á latínu, dönsku og íslensku með rúnaletri og venjulegu letri.

Í handritaskrá Jóns Ólafssonar úr Grunnavík eru nefnd fleiri kort með þessu sem nú eru hér ekki (sbr. AM 477 fol.).